開箱實測HUAWEI Mate XT：高收視機王 貴得有道理！

全球首部三摺屏手機HUAWEI Mate XT | ULTIMATE DESIGN已經接受預訂之中，並將於3月7日正式發售。我哋早前遠赴馬來西亞發佈會，率先拎到實機做開箱測試，究竟呢部天價神物表現如何呢﹖一齊睇睇！

▲ 今次playSOHO遠赴馬來西亞為HUAWEI Mate XT進行實測

受測的是國際版，外盒已經好「對得住」售價，可能廠方想過有人會用此機送禮，所以用咗紅色禮盒設計，盒面有燙金Logo，齋外觀已經好奢華。打開盒搵有主機、USB Type C線、充電火牛、SIM針及專屬保護殼，其中保護殼表面有凹凸紋理，拎上後手感好好。

▲ 國際版包裝一覽

呢部機最大賣點，當然係三摺，正常形態係部6.4吋芒直身機，向左揭一下變7.9吋雙屏，再把原先的6.4吋芒向前揭，三芒匯合即變10.2吋三屏模式，視野當堂平板咁闊！三個芒結合後屏佔比有92%咁大，支援16:11顯示比例、3K高解像度及HDR高動態顯示，打爆芒上網固然勁爽，最正係取景一般手機闊同清楚好多。

一一一

▲打直手機用巨屏取景，勁清楚連旁人都偷望

可能有人擔心摺芒條摺痕會好明顯，同埋嗰鉸位好緊。先解除第一個疑慮，be honest，雖然佢用咗多向彎折柔性屏幕，摺痕細心看還是看到，但只限低亮度清況下，若調校至正常亮度或高亮度，摺痕可謂幾近消失。至於鉸位緊唔緊，內置華為天工鉸鏈系統及嵌入式滑軌結構，不會鬆到一揈就成部打開，又唔係緊到好用力先打得開，整體鉸位鬆緊度適中，開關屏好順暢無阻。

▲睇片根本睇唔到摺痕

▲10.2吋屏幕睇片效果

▲6.4吋外屏睇片效果

▲全球首部手機實現內外雙摺

▲摺埋時12.8mm，只厚iPhone 16少少，三屏模式最薄更只有3.6mm

筆者玩過唔少摺機，影相質素雖愈來愈好，但礙於要控制厚度，放唔落好大的感光元件及鏡頭模組，所以影相始終唔及直板機。HUAWEI Mate XT有點令我意外係成像比想像中好很多，後置50MP超光變鏡頭（F1.4-F4.0、OIS）、12 MP超廣角鏡頭（F2.2）及12MP長焦微距鏡頭，支援5.5倍光學變焦及50倍數碼變焦，照顧到短、中、長拍攝需要。實測無論微距、廣角、人像、遠拍、夜拍都令人滿意，成色飽和銳利，鏡頭切換相質也沒有明顯差異。

▲星鑽設計相機，內置50MP超光變鏡頭（F1.4-F4.0、OIS）、12 MP超廣角鏡頭（F2.2）及12MP長焦微距鏡頭

以下是馬來西拉拍攝的直出實景相，看倌不妨自行評價：

其他功能方面，此機對應分屏操作、衛星通訊、66W有線快充、50W無線快充及7.5W無線反向充電，並搭載5,600mAh電池。另一對港人好消息係佢已經支援Android版八達通，用戶只需要於HUAWEI AppGallery搜尋並下載八達通App，安裝後只需打開NFC，就可以係screen off狀態下用到八達通免觸式付款及增值。另外好多GMS應用佢都裝到，用落同其他Android機無咩分別。

▲對應天通衞星通訊

▲用到Android版八達通，畀錢同充值都得

售價方面，此機備有瑞紅及玄黑配色，只有16GB RAM + 1TB ROM 一個容量，建議零售價為HK$25,499，現凡於指定零售商及運營商選購港澳原廠行貨，即送1次碎屏服務寶(價值:HK$6,799) 、2年4次免費屏幕保護貼服務 (總價值:HK$1,400)，並可額外加HK$99換購HUAWEI FreeClip (建議零售價: HK$1,399)。

▲備有瑞紅及玄黑配色

總結：虛榮感此刻無價

摺芒是新技術，三摺更是新中之新，HUAWEI Mate XT | ULTIMATE DESIGN展示出來的是技術的高度成熟，是一部完成度極高的三摺手機，沒有為了摺屏而犧牲機身厚度、影相質素及電量，反之每一樣都造到極緻。筆者用了大約半個月，其中一個感受是它所帶來的高收視，使用時不但曾經有路人好奇查問，有次聚會到大合照時間，筆者甫拿出來攤開影相，其他人竟自動把自己手機收起迴避，這份「虛榮感」可謂此刻無價，那個時候就明白此機貴得有道理！