真無線耳機技術愈來愈成熟，除咗鬥靚聲，穿戴方法亦各適其適。HUAWEI剛在港發表的FreeClip再攪攪新意思，佢係廠方首款開放式真無線耳夾耳機，採用「C形橋」設計，耳機唔係塞入耳窿，而係夾在耳窩使用，令不適感大幅降低；加上單邊僅重5.6g，戴上後恍如耳環咁又靚又輕盈。
耳機一體成型，發聲系統採用對稱的球體造型，並在極小結構空間內置9條芯線和1條鎳鈦記憶合金，以及晶片模組、聲學防風噪結構模組、電池模組等重要裝置，睇得出技術工藝相當高。
FreeClip另一賣點是唔分左右耳，單耳雙耳都戴得，並支援清晰通話、聲噪分離及IP54級抗水抗汗。多重EQ調節功能分別有四大模式：預設模式、運動增效、高音增強及清晰人聲，用戶可以透過均衡器EQ調節音樂效果。
續航方面，支援8小時聆聽，配合充電盒，續航再延長至36小時。它將於2024年1月中旬起發售，建議零售價為HK$1,399。
同場加映：激薄平板
HUAWEI MatePad Pro 13.2係廠方最新旗艦級平板，搭載超大柔性OLED屏幕，重580g、厚5.5mm，邊框寬度3.4mm，屏佔比達94%，屬迄今最薄、邊框最窄、屏幕佔比最高的平板電腦。同時內置10,100mAh電池、6個雙聲道喇叭、16MP前置鏡頭及13MP+8MP後置鏡頭。另外它兼容M-Pencil (第三代) 星閃手寫筆及全新智能磁吸鍵盤，操作似足電腦咁方便。它將於2024年1月中旬起發售，建議零售價為HK$6,388。
同場加映：新色鋼錶
除咗新耳機及新平板，HUAWEI WATCH GT 4系列亦新增「星雲灰不鏽鋼錶帶款」，配合原來的八邊形設計，視覺上更層次分明。
另外，現凡選購全新HUAWEI WATCH GT 4系列港澳原廠行貨，即有機會獲得以下禮遇：
1）選購HUAWEI WATCH GT 4 46mm版本即送原廠尼龍錶帶，顏色有活力藍黃或陽光柑橘以供選擇，即買即送，可在門店現場換領；或可選擇HUAWEI Scale 3 智能體脂磅。顧客需帶同發票30日內到華為客戶服務中心換領，禮品先到先得，送完即止。
2）選購HUAWEI WATCH GT 4 41mm，即送HUAWEI Scale 3 智能體脂磅，顧客需帶同發票30日內到華為客戶服務中心換領，禮品先到先得，送完即止。
Comentarios