主打躍動時尚的HUAWEI nova 15 Max正式開售，延續nova 系列「活力、年輕、時尚」的設計基因，以8,500mAh巨鯨超大電池帶來全天候續航力，RYYB超清鏡頭令日夜拍攝同樣出色；通過SGS五星防摔認證的玄甲機身讓用戶無懼日常碰撞，加上臻彩OLED 護眼大屏幕及對稱式立體聲雙揚聲器，帶來沉浸影音體驗，配合年輕用戶活躍的生活節奏，全面覆蓋流動生活的多樣化場景。 不論在晚上街景或室內低光環境下，HUAWEI nova 15 Max無需額外補光仍能拍出清 晰亮麗影像。手機支援5,000萬像素RYYB超清後置鏡頭及800萬像素前置鏡頭，在低光環境下依然色彩真實、畫面純淨，配合後置200萬像素景深鏡頭帶來自然的散景效果，輕鬆拍出背景柔和、主體突出的人像照片。前後鏡頭均支援AI XD Portrait人像演算法，智能優化光暗層次，突出拍攝主體，令影像更富立體感。內置AI最佳表情功能更可智能調整人像表情，捕捉自信的一面，令每張合照中每個人均呈現最佳狀態。 配備8,500mAh巨鯨超大電池，帶來可靠的持久續航力，徹底告別每日充電的煩惱。創新Ener

各位「巨人迷」準備好「獻出銀包」未？動漫神作《進擊的巨人》雖然一早完結，但玩具商、製片商撈金腳步從沒停過。日本 BANDAI SPIRITS 旗下、專門等一眾信徒「抽盲盒」試運氣的「一番賞」系列，近日又宣布推出新商品「進擊的巨人～獻出心臟吧～」，其中最後一賞超吸引，就算獻出心臟都要買到！ 今次個陣容，笨大好識玩，A 至 E 賞清一色出 MASTERLISE 系列，擺明車馬以高質素吸引玩家。五位主角，包括艾連．葉卡、米卡莎．阿卡曼、阿爾敏．亞魯雷特、艾爾文．史密斯同埋漢吉．佐耶，通通還原第一季造型，着住件兵團「制服」敬禮。老實講，呢個 Pose 夠晒經典，一字排開放在屋企神枱位，論氣勢已經贏晒。笨大今次細節更是交足功課，不但雕工標榜精緻，連調查兵團套制服上的皮帶皺摺及背脊塊「自由之翼」也印得有板有眼。 而最受注目的最後一賞，則是里維．阿卡曼「里維～人類最強士兵～」。這款以兵長里維在牆外調查時的騎馬造型打造，披風隨風飄揚的動態感處理得十分自然，腰間立體機動裝置的細節亦刻劃入微，配上神駿黑馬，整體散發出強大壓迫感，完美呈現「人類最強」的氣場。 此一番賞

Warner Bros. Games 宣布《LEGO 蝙蝠俠：黑暗騎士傳奇》將在 2026 年 9 月 18 日於 Nintendo Switch™ 全球發行。遊戲的標準版及豪華版現已於 Nintendo Switch 2 開放預購。 《LEGO 蝙蝠俠：黑暗騎士傳奇》Nintendo Switch 2 豪華版擁有者將於 9 月 18 日發行日獲得以下內容： 免費 LEGO 復古電玩蝙蝠俠™迷你人偶（*僅限實體版，數量有限） 存取「傳奇收藏」可下載內容 (DLC)，內含新的套裝、載具及蝙蝠洞道具（其靈感來自《蝙蝠俠：阿卡漢》電玩系列、《未來蝙蝠俠》影集），以及一份派對音樂主題包 存取「暴行收藏」DLC（帶有新的「暴行模式」，其中小丑和哈莉奎茵為可玩角色），一個全新故事任務，以及「邪惡包」，內含七 (7) 件新套裝（每名主要遊戲可玩角色一 [1] 件）、五 (5) 個新的蝙蝠洞物品，以及一輛新的蝙蝠車供玩家穿梭於開放世界 所有 Nintendo Switch 2 預購（標準版 & 豪華版）都將獲得「黑暗騎士歸來」蝙蝠套裝，其啟發自備受好評的漫畫系列

HONOR昨日（4月22日）於香港舉行全球首發記者會，正式推出全新HONOR 600系列手機。系列主打HONOR 600 Pro、HONOR 600兩個型號，明顯瞄準新一代創作者市場，強調透過升級版AI技術，將靜態影像轉化為動態作品。新機由即日起至4月29日於港澳公開預售，並提供多項早鳥優惠。 HONOR 600系列最大賣點，非搭載業界首創並升級的「AI圖轉影片2.0」技術莫屬。跟一般加Filter唔同，佢係透過AI生成模型，只要掟張相上去，再輸入簡單文字指令，就會按指令生成有趣短片。例如把布景版上的煙花圖案變成動態煙花，效果真實，美中不足是運算要相當時間，若快一點會更好。此功能還提供「夢幻同框」、「毛孩擬人」及「萌寵環遊」等預設範本，人同寵物都有得玩。 ▲ AI圖轉影片2.0預載了多個特效範圍，可以人寵一齊玩 ▲ 載入相片後再輸入描述內容，等一會系統就會生成內容 ▲ AI圖轉影片效果一覽 除了AI功能，HONOR 600系列在攝影硬件上亦落足本。系列配備2億像素AI超清夜攝鏡頭，採用1/1.4吋超大底感光元件，透過16合1像素融合技術打造等效2

向來被玩家鬧住買、買住鬧的頂級人偶品牌 Hot Toys，近排動作多多，除了不斷翻出 Iron Man 外，近期更推出震撼影迷新作，就是《九龍城寨之圍城》龍捲風的 1:6 比例人偶，實行吸引玩具迷之餘，也要一眾「古太」進貢！ HT 並非首次與古生合作，幾年前就出過《明日戰記》泰來 1:6 人偶，今番再合作，無非睇中《九龍城寨之圍城》叫好叫座，甚至連向來難以打入的日本市場都有 Fans。從初辦所見，龍捲風人偶從極像真頭雕到服飾配件均一絲不苟，神韻與滄桑氣質被刻畫得入木三分，銀白後梳油頭、茶色眼鏡、花裇衫、西褲、黑被鞋以至口中煙仔都充份還原，完美呈現角色的霸氣形象。全身關節預計 30 個以上，並提供多隻可換造型手掌，足以擺出不同戰鬥甫士。惟留意配件應該唔多，比較特別是隨附「飛髮舖」情景地台。 此作賣幾錢官方暫時未有公布，但傳聞將於下月底（5 月 29 日至 31 日）於灣仔會展舉行的第一屆「香港 Comic Con 2026」上首度公開發售（展位：3E-A15），甚至會有少量現貨供應，相信又會成為炒家目標。特別一提，早前 HT 老闆 Howard 在

ASUS收檔唔玩，遊戲手機買少見少，好彩仲有小米POCO撐住。呢個向來標榜「違反市場學」的高性價比牌子，最新推出X8 Pro Max，賣街價三千零蚊，但就塞咗粒3nm天璣9500s同8500mAh巨無霸電入去，擺明車馬想接收班無碇走嘅電競玩家！以下就同大家實測一番！ 外型：金屬邊框加RGB燈 今次POCO擺脫以往嗰種膠味濃嘅感覺，用咗金屬中框配玻璃纖維機背，218g重量揸上手好鬼紮實。最搶眼係機背鏡頭模組嗰兩條「跑道仔」，藏咗組Dynamic RGB燈效，支援多色自訂，聽歌、打機、充電都會閃吓閃吓。雖然邊位方正直角，握得緊會有少少𠝹手，但整體質感對得住呢個價。 屏幕：陽光下都睇到敵人 佢用咗塊6.83吋1.5K AMOLED芒，峰值亮度癲到3500nit，烈日當空打機都仲見到敵人喺邊。120Hz刷新率、3840Hz PWM高頻調光，仲有德國萊茵三重護眼認證，長時間捱夜打機都冇咁易眼攰。 效能：跑分直逼旗艦 散熱交足功課 講到核心，X8 Pro Max全球首發MTK天璣9500s處理器，3nm製程加「4+4」全大核架構，Antutu跑分輕鬆突破2

2億像素（200MP）手機在香港市場的價格跨度相當大，平可以兩三千蚊有交易，但處理能力有限，副鏡頭又相對雞肋；貴則要八九千蚊甚至上萬元，鏡頭、屏幕、處理器都係最勁，但致命傷係「貴」。OPPO新推出的Reno15 Pro Max 5G定價介乎兩者之間，有2億像素鏡頭的同時，其他規格都唔弱，究竟值唔值得入手，即刻測試一下！ 先講影相，Reno 15 Pro Max相當落本，直接用上一套相當奢華嘅三鏡組合：主鏡頭係2億像素（1/1.56"感光元件），配搭5000萬像素超廣角，仲有唔少中階機未必有嘅5000萬像素3.5X遠攝潛望鏡。齋睇牌面，由wide到tele都齊章，日常snap夠晒用。 實試主鏡頭，色彩還原度高班，日光日白之下，層次感分明，尤其係光影過渡自然，冇硬推 HDR嗰種味精感覺。至於超廣角鏡，質素同樣交足功課，邊位變形控制得比上代明顯有進步，放大100%睇，成像依然實淨，冇散修修，對於鍾意影建築物或者大景嘅用家嚟講，呢個位值得加分。 講到粒3.5X長焦，的確係呢個價位嘅「稀有物種」。實拍所見，細緻度同色彩表現都算可圈可點，測試喺50倍變焦下，

萬眾期待，Samsung Galaxy新旗艦S26系列終於登場。講到明「銀河AI」再進化，仲要成個Perplexity AI融入系統咁話，睇個款就似想挑戰手機界嘅「智能擔當」。不過講到最搶Fo，肯定係全球首創嘅「Privacy Display」防偷窺芒，聽落堅過貼磨砂貼，但實際係咩玩法？今次就同你逐一拆解。 先講成員，今代有Galaxy S26、Galaxy S26+及Galaxy S26 Ultra三員，屏幕分別6.3吋、6.7吋及6.9吋，當中Ultra獨家內置S-Pen，而且厚度只有7.9mm，是首個厚度低過8mm嘅Ultra機型。外型方面，全系列來個「微整形」，邊位收圓少少，薄咗輕咗，個鏡頭模組就變咗藥丸形，驟眼睇更加醒目。 ▲S26 Ultra (左)、S26+ (中)、S26 (右) ▲S26 Ultra只有7.9mm厚，並可插S Pen 全線採用Snapdragon 8 Elite Gen 5 for Galaxy晶片，以Ultra為例，CPU性能提升19%，GPU提升24%。散熱系統亦翻新過，採用重新設計嘅Vapor...

俗稱奸笑社的日本知名 Figure 廠商 Good Smile Company 宣布推出《福音戰士新劇場版》兩大女主角——綾波零與明日香的 1/7 比例塗裝完成品。官方參考定價均為 18,600 日圓（約 HK$938），預計 2027 年 3 月正式上市。 先睇綾波零，全高約 20.5cm。廠方表示，造型是根據角色設計師貞本義行為新劇場版繪製的插圖「立體化」。最大賣點當然是那套緊身白色駕駛服，廠商落足功夫刻劃布料緊貼身體的皺摺紋理，將綾波零玲瓏浮凸的身材曲線表露無遺。配合招牌藍色短髮的精細塗裝，以及略帶空洞的招牌眼神，確是捕捉到角色「無口」但迷人的神髓。 至於明日香，全高 23.5cm，比綾波零略高。同樣根據貞本義行插圖製作，賣點是其纖細身形被紅色駕駛服包裹的線條。廠方特別提到，今次採用了亮光漆面，企圖重現駕駛服那種類似乳膠材質的獨特反光效果，睇落「膠」味十足。加上飄逸的頭髮造型，以及她標誌性望向一旁的單眼，確是將插畫中神態還原。 值得一提嘅係，兩隻人偶的底座均是紅色岩石地台，可以並排展示，重現插畫中兩人背對背的經典構圖。有眼利嘅網民即時發現，

美國傳奇結他品牌Fender踩過界，唔再淨係玩樂器，近日正式殺入競爭激烈嘅個人音響市場，推出品牌史上首款主動降噪頭戴藍牙耳機Fender Audio MIX。呢個喺音樂界叱咤超過70年、陪住無數神級樂手走過巔峰嘅名字，今次將佢嘅「美式音色DNA」一次過注入耳機之中。唔少行內人同樂迷都問：呢副索價近兩千銀嘅耳機，係情懷加持，定係真有料到？ ▲ 備有 Skyscraper Black都市黑及Olympic White奧林匹克白兩色。 講到Fender，你腦海一定會響起經典電結他嘅Crunch音色。今次這個副Audio MIX耳機，就標榜承傳呢份血統。佢用上40mm石墨烯單元，調音據講由Fender聲學團隊親自操刀，呈現所謂嘅「美式音效」：低頻飽滿彈牙，還原鼓同Bass嘅衝擊力；中頻人聲溫暖細膩，聽藍調爵士味道啱啱好；高頻就追求清澈唔刺耳。小編試聽，聲底有活力，聽Rock同流行曲感染力強，似將部經典Fender音箱戴喺頭上。 功能上，MIX最大賣點係提供多達四種連接方式，喺市場上較為罕見。除咗基本藍牙5.3同3.5mm有線，重支援USB-C數位有線連接

瑞典音響品牌MONDO by Defunc，向來以藝術、文化、音樂、時尚融為一體嘅個人音響產品聞名。繼MONDO ON-EAR Freestyle貼耳藍牙耳機成為街頭必備單品後，品牌再推進化版MONDO ANC Headphones主動降噪頭戴式藍牙耳機，將80年代經典外形注入現代科技，當中更有工業風爆燈嘅透明款式，潮流玩家掛頸耳機又多一個好選擇。 耳機外型延續品牌的80's風格，採用簡約工業設計，細節位滿滿驚喜，例如磁吸式可換耳罩，支援4種顏色及物料，拆裝清潔或轉色超方便。實測耳罩舒適耐戴，長時間唔焗耳。耳機側面的收音咪加入金屬柵格點綴，另有滑動式音量調校同旋鈕操控，靈感來自音樂工作室，完美保留復古味。內裡升級6支收音咪，收集環境聲音，提供清晰通話品質，即使喺鬧市或車廂，都能隔絕噪音，通話如面對面。 顏色共有四個選擇，融合不同物料色系，當中包括石墨色、黑色、米灰及透明。個人最Like透明款，能夠看到內構零件，極具舊年代電子產品的科技感，而耳墊及頭帶則採用皮革物料，跟透明設計出奇地夾！ 耳機支援ANC主動降噪，四段模式自由切換，如ANC模式隔絕外

近年 Pokemon 卡愈炒愈貴，全球都想跟這個人氣 IP 聯乘搵番筆！最近訓練員又多一個收藏目標，事關 LEGO《寵物小精靈》套組終於亮相，頭炮正是人氣最高的比卡超，編號 72152 Pikachu and Poké Ball。 是次套組共有 2,050 塊積木，完成後高約 35cm、闊約 26cm、長約 39cm，雖然不是 1:1 實物原大，但用來做擺設已經夠晒搶眼！比卡超身驅用上大量鮮黃色磚砌成，黑色耳尖、紅色臉頰及標誌性閃電尾巴都有還原，並可透過心形或平整尾端來呈現性別，細節位做到足。 套裝另一玩味是比卡超的四肢及尾巴均有活動關節，能夠呈現牠「紮紮跳」模樣。另外又可砌出閃電火花、精靈球及展示座，展示座仲暗藏「25」的小心思，藉此向比卡超在圖鑑裡的編號致敬。 此作預計 2026 年 2 月 27 日發售，建議售價為 US$199.99，折約 HK$1,559，定價似乎貴了點，而觀乎網民反應也是「彈」居多，有些罵比卡超面相崩壞，有些指神似度比 Mega Construx 版仲要差，更有批評指「造得很好，下次別造了」，所以值唔值二百蚊美金，就見